صور منتجات من totot.aeTOTOT.AE | دليل مصوّر قبل الشراء
كيف تعرف توافق قطع الكمبيوتر؟
قبل ما تدفع ولا درهم: المقبس، نوع الرام، مقاس الكيس، مزود الطاقة والبايوس. كل نقطة معها صورة حقيقية من أداة تجميع PC.
أغلب مشاكل التجميعة الأولى ما بتكون من قطعة خربانة، بتكون من قطعتين ما بيركبوا مع بعض: معالج ما بيفوت باللوحة، رام من نوع غلط، أو كرت شاشة أطول من الكيس. بهالدليل منمشي على كل فحص لحاله، ومنوريك كيف أداة تجميع PC من توت توت بتمسك الغلط قبل ما تشتري.
الترتيب الصح لاختيار القطع
التوافق بيمشي بسلسلة: كل قطعة بتحدد اللي بعدها. لهيك ابدأ بالمعالج، لأنه هو اللي بيحدد المقبس، والمقبس بيحدد اللوحة، واللوحة بتحدد نوع الرام والكيس.
1. مقبس المعالج واللوحة (Socket)
المقبس هو الشكل الفيزيائي للمكان اللي بيقعد فيه المعالج. معالج AM4 ما بيفوت بلوحة AM5، ومعالج إنتل الجيل 14 ما بيفوت بلوحة LGA1851. هاد أول شي بتفحصه الأداة، وإذا غلطت بتطلعلك رسالة حمرا فورًا:
| المقبس | المعالجات | الشيبستات | الرام |
|---|---|---|---|
| AM5 | Ryzen 7000 و8000 و9000 | X870E، X870، B850، B840، X670E، X670، B650E، B650، A620 | DDR5 فقط |
| AM4 | Ryzen 5000 و3000 (حسب اللوحة) | X570، B550، A520، B450 | DDR4 فقط |
| LGA1851 | Intel Core Ultra 200 | Z890، B860، H810 | DDR5 فقط |
| LGA1700 | Intel الجيل 12 و13 و14 | Z790، B760، H770، Z690، B660، H610 | DDR4 أو DDR5 حسب نسخة اللوحة |
2. البايوس: الفخ اللي ما حدا بيحكي عنه
ممكن يكون المعالج واللوحة نفس المقبس، والجهاز ما يقلع. السبب غالبًا إن اللوحة طالعة من المصنع ببايوس أقدم من المعالج. AMD نفسها كاتبة إن لوحات سلسلة 600 (متل B650 وX670) ممكن تحتاج تحديث بايوس حتى تشغّل معالجات Ryzen 8000 و9000، وإلا الجهاز ممكن ما يقلع.
3. نوع الرام وعدد الشرائح
DDR4 وDDR5 مختلفين بالشكل والكهربا، ما في شي اسمه “بتركب بس أبطأ”. لوحات AM5 وLGA1851 بتاخد DDR5 بس، ولوحات AM4 بتاخد DDR4 بس. أما LGA1700 فنفس الشيبست بينباع بنسختين، والنسخة DDR4 غالبًا اسمها فيه D4. ومعالج متل i5-12400F بيدعم النوعين، بس اللوحة هي اللي بتقرر.
وكمان الأداة بتفحص عدد الشرائح والحجم الكلي: إذا اللوحة فيها فتحتين بس، ما رح تقدر تركّب 4×16GB.
4. مقاس اللوحة والكيس وطول الكرت
اللوحات بتجي بمقاسات: ATX (الكبيرة)، Micro-ATX (الوسط)، وMini-ITX (الصغيرة). الكيس اللي بياخد ATX بياخد الأصغر منها، بس العكس لا. وبعدين شوف رقمين بمواصفات الكيس:
5. مزود الطاقة (PSU)
مزود الطاقة لازم يغطي استهلاك المعالج والكرت مع هامش أمان. NVIDIA مثلًا بتطلب 550W كحد أدنى لجهاز فيه RTX 5060، و600W للـ RTX 5060 Ti. وشوف الوصلات كمان: الكرت بدّه وصلة 8-pin أو وصلة PCIe Gen 5 الجديدة (بيجي معه محوّل). الأداة بتحسب الاستهلاك التقديري وبتقترحلك واط مناسب:
6. معالجات F والرسوميات المدمجة
المعالجات اللي آخر اسمها حرف F (متل Ryzen 5 7500F أو i5-12400F) ما فيها رسوميات مدمجة. AMD كاتبة بمواصفات 7500F “Discrete Graphics Card Required”، يعني بدون كرت شاشة ما رح تشوف صورة أصلًا، حتى لو بدك تجرب الجهاز قبل ما يوصل الكرت. الأداة بتنبهك على هالشي متل ما شفت بأول لقطة.
7. فتحات M.2 وSATA
هاي ما بتمنع الجهاز يقلع، بس بتفاجئك: ببعض اللوحات لما تركّب هارد M.2 بفتحة معينة، بينطفي منفذين SATA. بلوحة ASRock B550M Pro4 مثلًا مكتوب إن فتحة M2_2 ومنافذ SATA3_5_6 بيتشاركوا نفس المسارات، وإذا استخدمت وحدة بتنطفي التانية. إذا عندك هاردات SATA قديمة، اقرأ صفحة التخزين بدليل اللوحة.
كيف تستخدم أداة تجميع PC خطوة بخطوة
بدل ما تفتح عشر تابات وتقارن مواصفات، الأداة بتعمل الفحوصات السبعة لحالها. وأقوى شي فيها فلتر “المتوافق فقط”: بعد ما اخترنا لوحة AM5 نزلت قائمة المعالجات من 207 لـ 28 معالج بيركبوا عليها.
تجارب لاعبين وقعوا بالغلط
اشترى رام DDR4 للوحة Z790، وطلعت اللوحة نسخة DDR5 فالرام ما فاتت. الردود نصحوه يرجّعها ويشتري DDR5، وقال إن الموقع اللي خطط عليه ما نبهه.
رام من نوع غلطالمصدر ↗سأل ليش الذاكرة ما عم تركب، وطلع إنه جايب DDR4 واللوحة DDR5. النصيحة كانت يرجّع الرام أو يبدّل اللوحة.
DDR4 على DDR5المصدر ↗ركّب Ryzen 7 9800X3D على لوحة B650 والجهاز ما قلع، وضوّت لمبتين CPU وDRAM. السبب بايوس قديم، وبعد التحديث بزر Flashback اشتغل. انتبه إنه الزر بدّه الجهاز مطفي وفلاشة USB 3.0.
اشتغل بعد تحديث البايوسالمصدر ↗كرت GTX 1080 Ti ما فات بكيس Dell OptiPlex لأن قفص الهارد معترض. النصيحة كانت يشيل القفص أو يجيب كيس أكبر.
الكيس صغير على الكرتالمصدر ↗✅ قائمة فحص قبل الشراء
- المعالج واللوحة نفس المقبس
- البايوس بيدعم المعالج (خصوصًا Ryzen 9000 على لوحات 600)
- الرام نفس نوع اللوحة: DDR4 أو DDR5
- عدد الشرائح وحجمها ضمن حد اللوحة
- مقاس اللوحة بيناسب الكيس
- طول الكرت أقل من حد الكيس
- ارتفاع المبرد أقل من حد الكيس
- مزود الطاقة فيه هامش ووصلات الكرت
- معالج F؟ لازم كرت شاشة
- فتحات M.2 وSATA حسب دليل اللوحة
أسئلة شائعة
هل أداة تجميع PC من توت توت مجانية؟
نعم، مجانية وبدون تسجيل. بتختار القطع، وبتفحص التوافق، وبتشوف أسعار القطع المتوفرة عنا مباشرة.
كيف أعرف إذا المعالج بيركب على اللوحة الأم؟
لازم يكونوا نفس المقبس (متل AM5 مع AM5)، وتتأكد إن بايوس اللوحة بيدعم المعالج، خصوصًا معالجات Ryzen 9000 على لوحات B650 وX670.
هل بقدر ركّب رام DDR4 على لوحة DDR5؟
لا. النوعين مختلفين بالشكل والكهربا، والشريحة ما بتفوت أصلًا.
كم واط مزود الطاقة اللي بحتاجه؟
حسب الكرت والمعالج. NVIDIA بتطلب 550 واط كحد أدنى لجهاز فيه RTX 5060، والأداة بتحسبلك الاستهلاك التقديري وبتقترح رقم مع هامش.
هل الأداة بتضمن إن كل شي رح يركب؟
بتفحص القواعد الأساسية، بس في تفاصيل لازم تتأكد منها بإيدك، متل ارتفاع المبرد بكيس معين أو نسخة البايوس.
خطط تجميعتك بدقيقتين
أكتر من 50 ألف قطعة، فحص توافق فوري، وأسعار توت توت الحالية. وإذا بدك حدا يختارلك، فريقنا بيعملك تجميعة مخصصة بـ 49 درهم وبترجعلك كوبون لما تشتري القطع منا.
افتح أداة تجميع PC ←
No products in the cart.